You are here

‘Kerstbroodjes’ Riku Yená

  • Sharebar
‘Kerstbroodjes’ Riku Yená

Un dushi reseta pa temporada di Pasku.

Love Recipe: 
Average: 3.3 (3 votes)
Cooking Time: 
Fòrnu: 350 °F / 180 °C - Tempu: ± 20 minüt
Servings: 
8
Ingredients: 


Mansa

  • 500 gram di ariña di pan
  • 150 gram di ‘Vruchtenbroodpoeder’
  • 40 gram di yist
  • 25 gram di suku
  • 10 gram di ‘citroenrasp’
  • 35 gram di margarina
  • ± 350 ml di awa friu
  • 10 gram di salu

Reyeno

  • 200 gram di rasenchi
  • 100 gram di ‘Tutifruti’
  • 75 gram di ‘chocolate chips’
  • 75 gram di kashipete garná

Toke Final

  • Icing blanku, suku bèrdè i ‘chocolate chips’
Preparation Method: 
  1. Spùit 2 forma di ‘Muffins’ ku ‘baking spray’ i pone nan banda.
  2. Pone ariña di pan, ‘Vruchtenbroodpoeder’, yist, suku, ‘citroenrasp’ i margarina den e kòmchi di e mekser. Pega e chapaleta manera un hak na e mekser. Brua tur ingrediente seku bon huntu. Agregá e awa tiki tiki.
  3. Ora e mekser kuminsá forma e mansa ta agregá e salu i laga e mekser mansa bon durante 7 minüt.
  4. Stroi poko ariña di pan riba mesa i pone e mansa ariba.
  5. Plat e mansa poko, pone e reyeno ariba, dobla e mansa sera i ku kuidou ta mansa pa e reyeno drenta den e mansa.
  6. Último ta kaba di drecha e mansa ku un tiki ariña di pan i keda mansa pa e keda un mansa suave.
  7. Forma un bolita, stroi poko ariña di pan riba e mesa, pone e bolita ariba, tap’é ku un sèrbètè muhá i lag’é para sosegá 30 minüt.
  8. Despues ta kòrta e mansa na pida di 60 gram, forma bolita i pone nan den e forma nan.
  9. Laga nan para reis 1 ora promé ku hinka nan den un fòrnu bon kayente.
  10. Ora e pandushi nan sali for di fòrnu, ta laga nan fria i despues ta basha poko ‘Icing’ riba kada un i dòrna nan bunita ku suku bèrdè i ‘chocolate chips’.