You are here

Kesio Di Ponche Krema Di Pistacho

  • Sharebar
Kesio Di Ponche Krema Di Pistacho | Désirée Da Costa Gomez

Resetanan ku sabor di Pistacho ta mashá gustá! Pa e motibu akí mi a inventá un Kesio di Ponche Krema di Pistacho speshal pa mi revista “Désirée”.

Love Recipe: 
Average: 4.1 (9 votes)
Preparation Time: 
20 minüt + 1 anochi
Cooking Time: 
~ 1.45 ora den fòrnu
Makes: 
1 kesio di 16 cm Ø
Servings: 
8 - 16
Ingredients: 
  • ¾ kùp di suku
  • 8 webu grandi
  • 1 kùp di lechi evaporá grandi (250 ml)
  • 1 bleki di lechi kondèns grandi (397 g)
  • 1 bòter di Ponche Krema di Pistacho chikí (375 ml)
  • ⅓ kùp di likùr di Pistacho
  • ‘Food color’ koló bèrdè
  • 8 buskuchi ‘lange vingers’
  • ¼ kùp di Pistacho pa dòrna e kesio kuné
Preparation Method: 

Preparashon Di Karamèlè:

  1. Pone ¾ kùp di suku den un paila riba kandela.
  2. Keda drei te ora ku e suku a larga i kuminsá bira brùin. No laga e suku kima sino e ta smak beter.
  3. Bash’é mesora den un forma di 16 cm Ø (9 cm haltu) i keda drei e forma pa e kubri tur e bòm.
  4. Lag’é para fria. Segun ku e ta fria e karamèlè ta bira duru.

Preparashon Di Kesio:

  1. Pone webu, lechi i lechi kondèns den un blènder.
  2. Bati djis pa e ingredientenan brua bon den otro.
  3. Basha e meskla akí den un kòmchi grandi.
  4. Agregá ponche krema di pistacho, likùr di pistacho i un tiki koló bèrdè. Drei bon.
  5. Basha e meskla akí (dor di un koladó) riba e karamèlè den e forma.
  6. Kòrta e buskuchi nan den 4, pone nan banda di otro riba e meskla di kesio i pusha nan un tiki den e meskla di kesio.
  7. Tapa e forma ku su tapadera òf ku pida fòil.
  8. Hinka e forma den un forma mas grandi yená ku awa (na baño di Maria) i hinka e formanan den un fòrnu bon kayente na 350 ºF / 175 ºC.
  9. Ora e kesio ta kla, ta lag’é fria den e forma i despues poné durante un par di ora òf 1 anochi den frishidèr.
  10. Despues ta pasa un kuchú den su rant pa lòs e i bòlt’é ku kuidou riba un skalchi.
  11. Dòrn’é ku pistacho.
Tip: 
E kesio akí ta solamente pa adulto komo ku e ta kontené alkohòl.