CaribSeek | CaribSeek Recipes | Curacao Recipes


CaribSeek Recipes
CaribSeek


 

Kumpra Buki

   Reseta di Korsou

  


Raspa di Wea

Advertisement


Panbolo pa Aña Nobo

di Desiree Da Costa Gomez

Ami ta gusta hòrna Pan Bolo den forma di "Tulband". E ta baster bunita. Ora e baster i e ta kasi kla, ta sèt repi di papaya kurtí ariba. Por usa un forma di bolo di 1 liber òf 2 forma di "Tulband" di ½ liber.

Sirbi: 12

Ingrediente:

  • 1 lb. di ariña di pan
  • 2 telep di baking powder
  • ½ telep di salu
  • ¼ telep di allspice, na puiru
  • ¼ telep di kané òf klabu, na puiru
  • 375 gr. di suku
  • 350 gr. di margarina
  • 3 pa 4 webu grandi
  • 1 kuchara di ensensia di vania
  • 1 kuchara di ensensia di almendra
  • 1 kuchara di ensensia di lamunchi
  • ½ kùp di lechi awa (koffiemelk)
  • ½ kùp di awa
  • ½ lb. di rasenchi
  • pida papaya kurtí, di slais

Método:
Sefta ariña di pan, baking powder, salu, allspice i kané huntu i poné un banda. Hunta e forma nan ku res, stroi poko ariña di pan aden, bòltu nan pa saka e ariña ku ta dimas i pone nan un banda. Krema manteka ku suku bon. Agregá e webunan un pa un i bati bon despues di kada webu. Agregá ensensia di vania, almendra i lamunchi i sigui bati bon. Meskla lechi i awa huntu. Agregá e meskla di ariña di pan i e lechi bùrt pa bùrt. Kuminsá ku ariña i kaba ku ariña. Pasa e rasenchinan den poko ariña di pan. Esaki ta pa e rasenchinan no sak bai abou den e bolo ora e ta den fòrnu. Ku un kuchara di palu ta brua e rasenchinan den e meskla. Basha e meskla den e forma nan i hinka nan mesora den un fòrnu bon kayente.

Fòrnu: 350°F / 180°C
Tempu: ± 50 minüt. (dependé kon grandi e forma ta)
Ora e bolo nan ta kasi kla ta sèt pida papaya aden i laga nan kaba di hòrna.

Tep:
Na Kòrsou nos ta bisa i usa lechi awa, esaki ta e lechi ku ta bin den bleki. Na Ulanda nos ta usa "koffiemelk" manera nan ta yam'é akinan. Na lugá di usa mitar lechi awa i mitar awa, nos por usa gewoon vollemelk den tur reseta ku ta pidi lechi.

Desiree Da Costa Gomez su website: Desiree's Gourmet

Recipe © Desiree Da Costa Gomez, 2002 - Copyright © CaribSeek 2002 - All Rights Reserved.
Web Published: October 13, 2002.