Johnny Cake di Pampuna
di Desiree Da Costa Gomez
Si bo ta gusta kome Johnny Cake i pampuna,
t'esaki ta nèt un reseta p'abo. Usa un bon pampuna si!!
Kantidat:
10
Ingrediente:
- 575 gr. di ariña di pan
- 1½ kuchara di suku
- 1 telep di salu
- 1½ kuchara di baking powder
- ¼ telep di kané
- 1 kuchara di manteka òf res
- 1 kùp di pampuna machiká
- ½ kùp di lechi awa
- ½ kùp di awa
Método:
Pone ariña di pan, suku, salu, baking powder, kané i res den un kòmchi,
brua tur kos bon ku un kuchara di palu i forma un buraku meimei. Basha e
pampuna machiká meimei. Brua lechi i awa huntu. Basha e meskla aki riba e
pampuna i keda drei ku e kuchara meimei mesklando e ariña tiki tiki aserka
te ora ku e kuminsá forma un mansa.
Stroi poko ariña riba mesa i bòltu e
mansa ariba. Kaba di drecha e mansa ku un tiki ariña di pan i mansa bon.
Parti e mansa den 10 pida i forma bolita. Stroi poko ariña riba e mesa,
pone e bolitanan ariba, tapa nan ku un sèrbètè di kushina muhá i laga nan
sosegá 10 minüt.
Despues ta plat nan ku un ròlstòk, laga nan sosegá 15
minüt mas i hasa nan den zeta moderá pa nan hasa sosegá.
Pone nan riba
keukenpapier pa chupa e zeta ku ta dimas. Por yena nan ku keshi di slais
òf ku Bakiou Stobá tambe nan ta ba bon.
Tep:
Ora ta hasa Johnny Cake e zeta no mester ta demasiado kayente, sino
nan ta hasa bira brùin i keda kurú paden.
Desiree Da Costa Gomez
su website:
Desiree's Gourmet
|
