|
|
|
Bòkel
di Ms. Desiree Da Costa Gomez
Sirbi e bòkel ku funchi ku banana hasá.
Sirbi:
4
Ingrediente:
- 2 bòkel grandi
- 3 kuchara di zeta dushi
- 1 siboyo mediano, di chòp
- 2 tomati, di chòp
- 2 tenchi di konofló, di chòp fini
- pida promèntè segun smak
- komino, adobo
- 1 kuchara di tomati pasta
- ±1/4 kùp di awa
- 1 kuchara di binager (no esun puru)
Método:
Pone e bokelnan den un forma rektangular i basha awa kayente riba nan. E
awa mester tapa nan kompletamente. Laga nan para freska durante 30 minüt.
Skore e awa, bolbe basha awa kayente riba nan i laga nan para freska 30
minüt mas.
Despues ta skore e awa, laga nan fria poko i kita e kueru i
saka mas tantu wesu ku ta posibel. Pone e zeta keinta den un panchi. Pone
siboyo, tomati, konofló i promèntè hasa bira moli. Agregá un tiki komino,
adobo, tomati pasta, awa i binager. Brua tur kos bon. Agregá e bòkel, tapa
e panchi, baha e kandela i lag'é kushi sosegá durante 10 minüt.
Desiree Da Costa Gomez
su website:
Desiree's Gourmet
|
