CaribSeek | CaribSeek Recipes | Curacao Recipes


CaribSeek Recipes
CaribSeek


 

Kumpra Buki

   Reseta di Korsou

  


Raspa di Wea

Advertisement


Ayaka

di Desiree Da Costa Gomez

Pa basta aña kaba a bira un tradishon ku tur fin di aña tur hende mester tin Ayaka den kas. Ayaka, meskos ku Pan de Jamón, ta un reseta ku nos a tuma over for di Venezuela.

Sirbi: 6 pa 8

Blachi di Ayaka

Ingrediente pa Mansa:

  • 1½ kùp di lechi awa
  • 1½ kùp di awa
  • 2 telep di salu
  • 1 telep di komino
  • 1 kuchara di suku
  • 7 kuchara di keshi raspá
  • 4 kuchara di sous di e galiña
  • 3 kùp di harina Pan

Ingrediente pa Reyeno:

  • 3 lb. di pechu di galiña
  • 1 lb. di karni porko òf pòrchòp
  • 2 kuchara di tomati pasta
  • 3 kuchara di manteka
  • 3 kuchara di zeta dushi
  • 1 buyonblòk grandi di galiña
  • konofló na puiru, konsomé di galiña, maggi, sous pretu,
    curry, orégano, pika, complete seasoning

Reyeno Èkstra:

  • Preimu, rasenchi, oleifi, ougùrk di slais, almendra òf kashupete, pikalili, zilveruitjes, promentòn kòrá i bèrdè di slais fini i ham di slais.

Método - Blachi di Ayaka:
Kòrta e blachinan i pone nan herebé 15 minüt den awa kayente ku salu i ½ telep di binager. Saka e blachinan for di e awa i seka nan. Si no ta bai usa nan mesun dia por hunta nan ku zeta dushi, sera nan den plèstik i warda nan den frishidèr.

Método - Reyeno:
Laba galiña i pòrchòp den awa ku lamunchi. Despues ta pone e galiña i pòrchòp den un wea riba kandela ku tur spesereinan. Tapa e wea i laga nan smor bira moli. Lag'é fria. Despues nos ta splet e galiña chikí chikitu i kòrta e karni porko tambe chikitu. Brua un tiki di e sous den e galiña.

Método - Mansa:
Basha e lechi i awa den un paila i poné riba kandela. E mester bira kayente pero no laga e awa herebé. Den un kòmchi nos ta pone salu, komino, suku, oude kaas raspá i mas o ménos 4 kuchara di e sous di galiña. Agregá e lechi kayente i tiki tiki ta agregá e hariña Pan i keda drei bon pa e no forma pipita.

Hunta un tiki mansa (no muchu diki) riba un pida blachi di ayaka, pone 1 kuchara di galiña ku un tiki sous, pida karni porko, un preimu, un tiki rasenchi, oleifi, ougùrk, un kashupete òf almendra, pida ham, un tiki pikalili, un zilveruitje i un slais di promentòn. Lora e blachi di ayaka sera i bolbe lor'é den otro pida blachi i mar'é ku ilu di mara ayaka.

Herebé e ayakanan den awa kayente ku salu pa 1 ora. Saka e ayakanan for di e awa i laga nan fria un ratu promé ku nos habri nan pa kome. Si no ta bai kome nan mesun dia, ta laga nan fria bon i warda nan den frizer. Ora ta bai sirbi ayaka, ta pone awa herebé i pone nan keinta mas o ménos 15 minüt den e awa.

Tep:
Si ta usa almendra mester pone nan den awa kayente pa e kaska lanta. Aki na Ulanda e blachi di ayaka ta mas karu. P'esei nos ta pone blachi di ayaka pa solamente e parti paden. Pa lora e di 2 bia na lugá di blachi di ayaka nos ta usa bakpapier.

Desiree Da Costa Gomez su website: Desiree's Gourmet

Recipe © Desiree Da Costa Gomez, 2002 - Copyright © CaribSeek 2002 - All Rights Reserved.
Web Published: October 09, 2002.